ЕУ за намерата за воведување смртна казна во Израел: Нехумана и понижувачка постапка

КУДС (АА) - Откако вчера, при првото читање во израелскиот Парламент (Кнесет) беше усвоен предлог-законот за воведување смртна казна за Палестинци, Европската Унија (ЕУ) испрати порака во која се вели дека станува збор за одлука која е спротивна на човековото достоинство и претставува нечовечна и понижувачка постапка, јавува Anadolu Agency (AA).

Тие потсетија дека предлог-законот за воведување смртна казна е усвоен со 52 гласа „за“, и 49 „против“. ЕУ смета дека е неопходно парламентот уште два пати да го изгласа овој предлог-закон за да биде имплементиран.

Предлог-законот дојде на дневен ред поради Палестинецот кој уби три лица на Западниот Брег. Законот го предложи министерот за одбрана на Израел Авигдор Либерман, а отворено го поддржа и израелскиот премиер Бенјамин Нетанјаху.

Во своите изјави Либерман отворено се залага смртната казна да се применува само на Палестинци.

Според овој предлог-закон, воените судови во Израел ќе можат да донесуваат одлуки за смртната казна за „злосторства извршени со знаци на тероризам“.

Смртната казна е предвидена со израелскиот воен закон за окупираниот Западен Брег, но никогаш досега не е изречена.