Заврши средбата на турскиот претседател Ердоган со рускиот претседател Путин

МОСКВА (АА) – Заврши билатералната средба помеѓу претседателот на Турција Реџеп Таип Ердоган и рускиот претседател Владимир Путин, јавува Агенција Анадолија (АА).

Средбата помеѓу Ердоган и Путин во палатата Кремљ траеше два и пол часа.

Се премина на разговори меѓу делегациите предводени од двајцата лидери.

Турскиот претседател Ердоган на средбата со рускиот претседател Путин изјави: „Одлуките што ги носиме овде ќе ја растеретат нашата земја и регионот."

Путин во кратката изјава пред состанокот рече дека даваат големо значење на односите помеѓу Турција и Русија.

„Изразувам сочувство за турските војници кои загинаа во Сирија. Губењето на животи секогаш е голема трагедија. За жал, никој, вклучително и сириските воени власти, не знаеја каде се наоѓаат турските војници“, изјави Путин.

Наведувајќи дека сириската армија исто така претрпела загуби истиот ден, Путин рече: „Сириската армија навистина има големи загуби. Затоа, пожелно е да ги продолжиме преговорите за да не се повтори овој настан и за да не им наштети на турско-руските односи.“