Зеленски: Украина не прифаќа ниту 10 центи враќање на долгот во договорот со САД

ИСТАНБУЛ (АА) - Украинскиот претседател Владимир Зеленски изјави дека Киев нема да прифати ниту „10 центи отплата на долгот“ во договорот со Соединетите Американски Држави (САД), јавува Анадолу.

„Прашањето не е дека сме неблагодарни. Ние сме благодарни. Но ако следниот договор содржи услов дека новата помош нема да биде бесплатна, јас нема да ‘играм’“, рече тој.

Зеленски ги негираше и тврдењата дека договорот за минералните ресурси вклучува какви било големи долгови.

„Нема долг од 500 милијарди долари, ниту 350 милијарди долари, ниту 100 милијарди долари. Тоа би било неправедно кон нас“, изјави украинскиот претседател.

Зеленски потврди дека договорот не бара ратификација и ја нагласи важноста на одржувањето на воената сила на Украина. „Јас ќе ја задржам армијата таква каква што е бидејќи тоа е најдобра гаранција за безбедноста“, нагласи тој.

Истакна дека договорот вклучува „најмалку спомнување“ на безбедносните гаранции за Украина во 10. точка и додаде: „Официјалните претставници ме информираа и тоа е таму. Ова е важно.”

На прашањето за можното патување во САД во петок, Зеленски рече дека се надева дека ќе се сретне со американскиот претседател Доналд Трамп во Вашингтон: „Има покана. Надлежните работат. Чекаме да видиме кога и што“, рече тој.

Украинскиот претседател рече дека договорот може да биде голем успех или, пак, да остане незабележан и додаде: „Големиот успех зависи од разговорот со Трамп.“

Тој не ја разгледал финалната верзија на договорот, но рече дека украинските власти го гледаат тоа позитивно.

„Тие велат ‘може да успее’. Сè уште не сум ја видел конечната верзија, но клучните прашања што ги поставив се таму. И украинскиот и американскиот тим работеа добро“, нагласи Зеленски.