Земјотрес со магнитуда од 7,1 степен ја потресе Индонезија

ИСТАНБУЛ (АА) - Земјотрес со магнитуда од 7,1 степен според Рихтеровата скала денес ја погоди Западна Индонезија, соопшти Американскиот геолошки завод, пренесува Анадолу.

Земјотресот го потресе подрачјето на Телук Далам во провинцијата Северна Суматра околу 03:00 часот по локално време, на длабочина од 15,5 километри.

Брановите од потресот се почувствувани низ провинциите Западна Суматра и Северна Суматра.

Жителите излегоа од своите домови, но нема извештаи за причинета материјална штета.

Предупредувањето за цунами беше повлечено по два часа.

Потреси се почувствувани и во соседна Малезија.