Израелската Армија: „Во судирите во Газа загинаа уште 5 наши војници, вкупно 9 во последните 24 часа“

АЛ-КУДС (АА) - Израелската Армија објави дека во судирите во Појасот Газа загинале уште пет израелски војници, пренесува Анадолу.

Војниците Амит Моше Шахар, Денис Коркмалов, Рон Ефраими, Рој Аврахам Маимон и Акива Јасински загинаа во судирите во средиштето на Појасот Газа, објави израелското воено радио.

Во последните 24 часа во судирите во Газа загинаа девет израелски војници.

Во соопштението се наведува дека еден израелски војник е тешко ранет во судирите, но не се соопштуваат дополнителни информации.

Од 7 октомври, кога почнаа нападите на израелската Армија врз Појасот Газа, бројот на загинати израелски војници се зголеми на 519, од кои 185 загинаа за време на копнената инвазија.