Израелските војници убија двајца Палестинци во окупираниот Западен Брег

Двајца Палестинци го загубија својот живот како резултат на отворениот оган од страна на израелските сили во градот Џенин во окупираниот Западен Брег, пренесува Агенција Анадолија (АА).

Според веста на палестинската официјална новинска агенција ВАФА, 24-годишниот Изедин Хамамира и 23-годишниот Емџед Аднан Халилије биле убиени во нивното возило додека патувале кон работа во подрачјето Џебе во Џенин.

Во веста не се дадени детали околу причината за отворениот оган врз возилото од страна на израелските војници.

Почина Палестинецот ранет на 2 јануари од израелски војници

Од друга страна, во писменото соопштение на палестинското Министерство за здравство се истакнува дека во болница почнал 19-годишниот Језин Самир ел-Џабери, кој во рамки на рацијата извршена на 2 јануари во градот Џенин беше ранет од страна на израелските војници.

Според податоците на Министерството за здравство, бројот на Палестинците убиени од страна на израелските војници од почетокот на годината досега се искачи на 12, од кои 3 се деца.