Израелските сили изведоа артилериски напади врз Појасот Газа

ГАЗА

Израелската војска го таргетираше Појасот Газа со артилериски гаѓања, пренесува Агенција Анадолија (АА).

Информацијата преку соопштение објавено на Твитер ја потврди израелската војска.

Во соопштението се вели дека со артилериски гаѓања се погодени позициите на Хамас во Газа.

Се истакнува дека овие напади се извршени како одговор на лансирањето на „запаливи балони“ од Газа кон Израел.

Според соопштеното, во нападите погодена е набљудувачката точка на бригадите „Изедин ел Касам“, кои се воена гранка на Хамас.

Исто така, се нагласува дека во нападот нема жртви или повредени.