Израелските сили притворија осум Палестинци во рациите на Западниот Брег

РАМАЛА

Израелските војници притворија осум Палестинци во окупираниот Западен Брег, пренесува Anadolu Agency (AA).

Во соопштението на Армијата се вели дека Палестинците биле уапсени поради „сомнение дека се вмешани во терористички активности“, без дополнителни детали за природата на овие активности.

Израелската армија спроведува чести кампањи за приведување Палестинци низ Западниот Брег, како и во окупираниот Источен Ерусалим (Кудс), со образложение за потрага по „барани“ Палестинци.

Според палестинските податоци, речиси 5.700 Палестинци, меѓу кои голем број деца и жени, моментално се наоѓаат во израелските притворни центри.