Can Erözden
21 Февруари 2019•Ажурирај: 22 Февруари 2019
БРИСЕЛ (АА) - Илегалните мигранти „во транзит“ се плашат да побараат азил во Европа поради репресивните и застрашувачки политики против нив, се вели во неодамнешниот извештај објавен вчера, пренесува Anadolu Agency (AA).
„Medecines Sans Frontieres (MSF)“, позната како „Лекари без граници“ и белгиската невладина организација „Соработка и иницијативи за бегалците и странците (CIRE)“, во заедничко соопштение изјавија дека мигрантите „во транзит“ немаат храброст да побараат азил и заштита во Белгија.
„Нехуманите услови во бегалските кампови на европските граници, Даблинската регулатива, репресивните акции на полицијата и кампањите за одвраќање извршени во Белгија и каде било во Европа ја ослабуваат довербата на мигрантите во властите и ја влошуваат нивната ранливост“, се вели во извештајот.
Даблинската регулатива на ЕУ ги повикува барателите на азил да бидат процесуирани во првата земја во која ќе пристигнат.
Ова правило ја става одговорноста за справување со барањата за азил со европските гранични држави, во кои мигрантите најчесто прво влегуваат во ЕУ.
Во извештајот се додава дека мигрантите се чувствуваат отуѓени во Европа и дека сегашните политики ги лишуваат од нивните основни права.
