Иран: Егзекутирани 8 припадници на ДЕАШ

ИСТАНБУЛ (АА) - Во врска со нападите извршени минатата година врз парламентот и гробот на револуционерниот лидер Хумејни, во Иран, егзекутирани се 8 припадници на терористичката организација ДЕАШ, пренесува Anadolu Agency (AA).

Според соопштението на информативниот центар на главното Обвинителство на Техеран, егзекутирани се 8 припадници на ДЕАШ, кои претходно беа приведени поради давање помош во нападите извршени минатата година врз парламентот и гробот на Хумејни.

Судот во мај им изрече смртна казна на овие лица.