Кина: Во рударска несреќа загинаа 12 лица, 13 се повредени

ИСТАНБУЛ (АА) - Најмалку 12 лица загинаа, а 13 се повредени во несреќата во рудник за јаглен во Кина што се случи денес, пренесува Анадолу.

Несреќата се случи во градот Ѓиси во североисточната провинција Хејлунгѓанг, објави државната телевизија КГТН.

Повредените се префрлени во болница на лекување, а надлежните ја истражуваат причината за несреќата.

Рударските несреќи во Кина не се реткост, а често се случуваат поради лошо спроведените прописи за безбедност.