Кина: Дијалог е патот кон решавање на тензиите меѓу САД и Иран

ИСТАНБУЛ (АА) – Кина нагласува дека дијалогот е патот кон решавање на тензиите помеѓу Соединетите Американски Држави (САД) и Иран, јавува Анадолу.

Кина „се надева дека разликите ќе бидат надминати преку дијалог и заеднички ќе го одржат регионот мирен и стабилен“, изјави министерот за надворешни работи на Кина, Лиан Џијан.

Соопштението од Пекинг е издадено откако Вашингтон и Техеран започнаа со нуклеарните преговори во главниот град на Оман, Мускат.

Американската страна ќе ја претставуваат зетот на американскиот претседател Доналд Трамп, Џаред Кушнер, и американскиот пратеник на САД, Стив Виткоф. Иран ќе биде претставен од делегација предводена од министерот за надворешни работи, Абас Арагчи.

На прашањето дали Техеран водел разговори со Кина и Русија, пред официјалниот дијалог на Иран со САД, Лиан изјави: Пекинг „одржува комуникација со двете страни” кога станува збор за иранската нуклеарна програма.

Тој потврди дека заменик-министерот за надворешни работи на Кина, Мјао Деју, во четвртокот во Пекинг остварил разговори со иранскиот заменик-министер за надворешни работи Казем Гарибабади.