Левичарот Густаво Петро победи на претседателските избори во Колумбија

БОГОТА (АА) - Поранешниот припадник на герилците, Густаво Петро, беше избран за претседател на Колумбија вчера во историска победа на левицата во Латинска Америка, јавува Агенција Анадолија (АА).

Со речиси 99 отсто од преброените гласови, Петро освои 50 отсто во споредба со 47 отсто за неговиот противкандидат, Родолфо Хернандез, според бројките објавени од изборните власти на Колумбија.

Веќе со месеци, Петро е на турнеја низ Колумбија, заговарајќи промени во земјата во која неодамна населението покрена протест против сиромаштијата, нееднаквоста и недостатокот на можности.

Петро, 62-годишен законодавец, беше член на герилската група М-19, која целосно се демобилизира на почетокот на 1990-тите. Тој подоцна стана сенатор и градоначалник на главниот град на Колумбија, Богота. Во неговиот трет обид за претседател тој ветуваше дека ќе го прераспредели пензискиот систем на земјата и ќе стави крај на екстракцијата на нафта.

Гласачите полагаат надежи во Петро и Франсија Маркез, која стана првата црномуреста потпретседателка на земјата, за да донесат промени.

Петро ги доби резултатите од претседателските избори на еден од најголемите затворени стадиони и центри за настани во земјата, каде што ќе зборува пред стотици луѓе по неговата победа.

„Денес е ден на празнување на народот. Нека ја слават првата народна победа. Нека толку многу страдања се амортизираат во радоста што денес го поплавува срцето на нашата земја“, напиша Петро на својот Твитер профил.

Хернандез ги доби своите гласови на социјалните мрежи, критикувајќи ја традиционалната политичка класа и ветувајќи дека ќе стави крај на корупцијата, едно од неконтролираното зла во земјата.

Изборните резултати ги чекаше во својот дом во Сантандер, како и во првиот круг.

По долга и поларизирачка кампања во која доминираа смртни закани, протечени видеа и лажни вести, Хернандез вчера го призна својот пораз.

Во својот говор тој ги прифати резултатите и побара од Петро да не ги разочарува оние кои му веруваат.

Иако Петро доби 40 отсто од гласовите наспроти 28 отсто за Хернандез во првиот изборен круг, неодамнешните анкети покажаа дека кандидатите се натпреваруваа за секој глас до последен момент.

Претседателот во заминување, Иван Дуке, му понуди целосна поддршка на неговата Влада за време на транзицијата.

„Го повикав Густаво Петро да му честитам како новоизбран претседател на колумбискиот народ. Се договоривме да се сретнеме во наредните денови за да започнеме хармонична, институционална и транспарентна транзиција“, напиша Дуке на Твитер.