Либиската Армија спроведе воздушна операција врз милицијата на Хафтар

АНКАРА (АА) - Либиската Армија изврши воздушна операција против милицијата поврзана со водачот на илегалните вооружени сили на Калифа Хафтар, во регионот Несме, околу 200 километри источно од главниот град, пренесува Агенција Анадолија (АА).

Во соопштението на прес-центарот на операцијата „Вулкан на гневот“, што ја води Владата за национално единство, се истакнува дека воздухопловните сили извршиле операција врз милицијата на Хафтар во областа Несме, на околу 200 километри јужно од главниот град.

Соопштено е дека како резултат на операцијата се уништени 3 вооружени возила кои припаѓаат на милицијата и дека загинале 5 судански борци на „Џанџавид“.

Милициската група „Џанџавид“, донесена од Судан да се бори во редовите на Хафтар, е обвинета за геноцид во Граѓанската војна во Дарфур.