На Германија ѝ се заканува недостиг од електрична енергија

БЕРЛИН (АА) - Ситуацијата со снабдувањето со електрична енергија во Германија може да се влоши во наредните денови, соопшти Федералното министерство за економија на таа земја, пренесува Агенција Анадолија (АА).

Во внатрешниот меморандум на Министерството за животна средина на југозападната покраина Баден-Виртемберг од 2 декември, објавен во весникот „Билд“, се наведува дека француските нуклеарни електрани, кои ја снабдувале Германија со електрична енергија, произведуваат помалку електрична енергија.

Според весникот, прекините на нуклеарната електрана во Франција се најголемиот проблем за снабдување со енергија на Германија.

„Не може да се изостават прекините во напојување на 90 минути“, се наведува во соопштението.

Друга причина за влошување на ситуацијата може да биде ремонтот и продолжената работа на нуклеарната електрана „Некарвестхајм“.

Нуклеарната електрана сочинуваше 22,5 отсто од снабдувањето на Баден-Виртемберг во 2021 година.