На жена не ѝ е дозволено да влезе во ресторан во Франција бидејќи „шамијата на главата е облека на мрачните времиња“

АНКАРА (АА) - Во Франција на жена со шамија не ѝ било дозволено од сопственичката на ресторан да влезе во ресторанот, со образложение дека „на себе носи облека од мрачните времиња“, пренесува Агенција Анадолија (АА).

На снимката, за која се наведува дека се случила во неделата и била објавена во медиумите, се гледа едно лице во градот Андеј на југоистокот на Франција кое сакало својата мајка да ја однесе во ресторан по повод Денот на мајката.

Исто така на снимката се гледа дека кога мајката и синот пристигнуваат на вратата од ресторанот, жената која е сопственичка на ресторанот им кажува дека нема да ги пушти да влезат во ресторанот затоа што мајката носи „шамија од мрачните времиња“.

Жената за која се наведува дека е христијанка бидејќи има крст околу вратот, на нејзината муштерика муслиманка ѝ вели дека „шамијата е алатка за потчинување на жените“ и не ѝ дозволува да влезе во ресторанот.

Муштериката, која истакна дека е шокирана од зборовите упатени кон неа, замина во полициска станица и поднесе пријава со образложение дека се дискриминирани.

- Инсертите наидоа на реакција

За инсертите кои станаа многу гледани на социјалните мрежи имаше реакции во кои се истакнуваше дека се работи за исламофобично и расистичко однесување.

Со започнувањето на спроведувањето на законите насочени кон муслиманите во Франција, се зголемија исламофобичните и дискриминаторските напади врз жените со шамии, муслиманите, исламските установи и местата за богослужба.

Неодамна, одлуката на Општината Гренобл за пуштање на жени со муслимански костими за капење на јавните плажи и базени во земјата беше суспендирана од судот по налог на министерот за внатрешни работи Жералд Дарманин.