Напад со нож во Холандија: Загинаа 2, повредено едно лице

АМСТЕРДАМ (АА) - Во напад со нож во холандскиот град Алмело загинаа две лица, додека повредено е едно лице, пренесува Агенција Анадолија (АА).

Според соопштението објавено на Твитер од страна на полицијата во подрачјето на Оверајсел во Холандија, извршен е напад со нож на улицата „Стејнстрат“.

Како резултат на нападот загинаа две лица, а повредено е едно лице.

Во соопштението се вели дека осомниченото лице кое се смета дека е напаѓачот се здобило со повреди и било фатено во неговиот дом.

На снимките објавени на социјалните мрежи се забележува дека осомниченото лице, по нападот, од балконот на својот дом отворило оган кон улицата.