Насилства на изборите за гувернер во Нигерија: 4 загинати

АБУЏА

На изборите за гувернер што се одржаа вчера во сојузните држави Коги и Бајелса во западноафриканската држава Нигерија, дојде до насилни настани во кои животот го загубија 4 лица, јавува Агенција Анадолија (АА).

Началникот на полицијата на сојузната држава Коги, Хаким Бусари, изјави дека дошло до насилни настани на изборите во Коги.

Бусари информираше дека во немилите настани животот го загубиле 4 лица, а голем број се ранети.

Во сојузната држава Бајелса настанала тепачка кога една група се обидела да ги украде гласовите од избирачката кутија, при што ранети се голем број лица.