МАДРИД (АА) - Мигел Анхел Клаверо, генералниот директор за вонредни ситуации на автономната влада на Арагон, за шпанскиот печат изјави дека поради дефект на повратната макара на жичарата во ски-центарот Астун, се скинала сајлата, што предизвикало пад на дел од кабините, известува Анадолу.

Властите соопштија дека во несреќата се повредени најмалку 30 лица, од кои деветмина потешко и истите со хеликоптер и возила на брзата помош биле пренесени во локалните болници.

По несреќата, ски-центарот привремено е затворен.

Премиерот Педро Санчез на својот профил на социјалната мрежа Х објави:

„Веста за несреќата во Астун сите длабоко нѐ погоди. Зборував со Хорхе Азкон, претседателот на владата на автономната влада во Арагон, и во име на нашата влада му пренесов дека ќе ја дадеме сета наша поддршка за да им помогнеме на повредените. Целата наша љубов е со повредените и нивните семејства.“.