Најмалку 7 лица, од кои 5 се од исто семејство, се убиени во израелски напади врз Газа

ГАЗА (АА) - Седум Палестинци, од кои петмина од исто семејство, се убиени во нападите на Израел врз Појасот Газа, известува Анадолу.

Според информациите добиени од здравствени извори, мајката, таткото и нивните три деца ги загубиле животите во бомбардирањето што израелските воени авиони го изведоа врз населбата Сабра во јужниот дел на градот Газа.

Палестинец е убиен во израелско бомбардирање на населбата Туфа во источниот дел на градот Газа.

Израелската армија изврши воздушни и копнени напади и врз населбата Шуџаја.

Палестинско дете е убиено од истрели на израелските војници на северниот брег на градот Рафа.

Две лица се повредени во артилериски напад врз локација на која биле собрани цивили во западниот дел на Рафа.

Очевидци изјави дека израелската армија започнала спорадични артилериски напади во текот на ноќта врз областа Абсан ал-Кабира источно од Хан Јунис и северно од бегалскиот камп Нусејрат.

Повеќе од 172.000 Палестинци се убиени или повредени, претежно жени и деца, во израелските напади од 7 октомври 2023 година, а над 11.000 се водат за исчезнати.

Нападите продолжуваат и покрај меѓународните повици и одлуките на Меѓународниот суд на правдата за нивно запирање.