Најмалку 9 лица загинаа во стампедо во хиндуистички храм во Индија

ЊУ ДЕЛХИ (АА) - Најмалку 9 лица загинаа, а голем број се повредени во стампедо до кое дојде во хиндуистички храм во јужната индиска држава Андра Прадеш, известува Анадолу.

Полицијата на државата Андра Прадеш информираше дека инцидентот се случил во храмот Свами Венкатесвара, каде што стотици луѓе се собрале на богослужба по повод „Екадаши“, свет ден во хиндуизмот.

Во соопштението се наведува дека според првичните истраги, се скршила железната ограда на храмот, предизвикувајќи толпата да ја изгуби контролата, при што во настанатото стампедо загинале 9 лица, а голем број се повредени.

На снимките што ги појавија локалните медиуми може да се видат обидите да им се помогне на онесвестените луѓе.