Невреме на југот на САД, загинаа најмалку 15 лица

ЊУЈОРК (АА) - Во последните 48 часа во невремето што го зафати јужниот дел на Соединетите Американски Држави (САД), загинаа најмалку 15 лица, јавува Anadolu Agency (AA).

Невремето пропратено со силни дождови и силни ветрови предизвика најмногу штета во сојузните држави Џорџија, Мисисипи и Алабама во кои се уништени десетици згради.

На тоа подрачје во изминатите два дена загинаа најмалку 15, а повредени се 30 лица. Најмногу беа погодени жителите на Џорџија, во која животот го загубија 11 лица.

Гувернерот на таа држава, Натан Дил прогласи вонредна состојба во една од административните единици.

На подрачјето на јужниот дел на САД од невремето погодени се речиси пет милиони луѓе.

Новоименуваниот американски претседател Доналд Трамп имал телефонски разговор со гувернерите на Џорџија и Флорида и ветил дека ќе им помогне во справувањето со последиците од невремето.