Нигерија: 37 лица загинаа во верижна сообраќајна несреќа

АБУЏА (АА) - Триесет и седум лица загинаа во сообраќајна несреќа во која учествуваа возило и два патнички автобуси во државата Борно во Нигерија, пренесува Агенција Анадолија (АА).

Ротими Аделеј, координатор на Националната организација за безбедност на патиштата на североисточниот дел од земјата, информира дека возило и два патнички автобуси се судриле на Автопатот „Мајдугури - Даматуру“ во државата Борно.

Аделеј соопшти дека во несреќата загинале 37 лица, а има и голем број повредени.

Тој изјави дека некои од повредените се во тешка здравствена состојба и изрази загриженост од можноста за зголемување на бројот на загинати.

Како можна причина за сообраќајката ја наведе преголемата брзина.