АНКАРА (АА)
- Хулја ОМУР УЈЛАШ
Водечката светска компанија за евалуација на брендовите „Brand Finance“ во своето истражување „City Index 2024“ ги наведе овогодинешните 100 бренд-градови од светот, меѓу кои повторно се најдоа турските градови Истанбул, Анталија и Измир, известува Анадолу.
Врз основа на податоците до кои дојде дописникот на АА, 15.000 луѓе од 20 земји (Туркије, САД, Германија, Австралија, Обединетите Арапски Емирати, Бразил, Кина, Индонезија, Франција, Јужна Африка, Јужна Кореја, Индија, Англија, Шпанија, Италија, Јапонија, Канада, Мексико, Нигерија и Саудиска Арабија) учествувале во истражувањето според кое е утврдено рангирањето на 100 светски градови.
Во истражувањето градовите биле анализирани според 7 главни теми и 45 подтеми, меѓу кои се препознатливоста на градовите, нивниот престиж и претпочитување, како и деловниот живот, инвестициската атрактивност, културата и наследството, науката и образованието, управувањето, поволност за живеење, населението, нивните вредности и одржливост.
Како и минатата година, и оваа година првите три града на листата се Лондон, Њујорк и Париз. Токио е рангиран на 4-то место, Дубаи е 5-ти, Сингапур е 6-ми, Лос Анџелес е 7-ми, Сиднеј е 8-ми, Сан Франциско е 9-ти, а Амстердам е на 10-то место.
Истанбул, кој минатата година беше 57-ми во генералниот пласман, се искачи за 6 места и годинава се најде на 51-вото место. На истата листа, Анталија се најде на 93., а Измир на 98. место. Направено е основното рангирање за успехот на 3-те метрополи. Во однос на препознавањето, Истанбул се најде на 31-вото, Анталија на 95-тото, а Измир 100-тото место.
Според респектабилноста на градовите, Истанбул се најде на 51. место, Анталија на 93., а Измир на 97. место. Во рангирањето според претпочитувањето, Истанбул е рангиран на 62-то место, Анталија на 93-то, а Измир на 97-то место.
Директорот на „Brand Finance“ Туркије, Мухтерем Илѓунер, зборувајќи дека во истражувањето на листата меѓу туристичките центри се вклучени и Истанбул, Анталија и Измир, истакна:
„Сосема е природно што Истанбул е рангиран на одредена позиција, благодарение на супериорноста и благословот што му ги даваат историјата и природата. Тоа е светски град, но брендот на градот треба да се управува за да стигне до повисоки позиции на глобалното рангирање. На пример, присуството на градот на интернет и во дигиталниот свет, каде приближно се вклучени приближно 5 милијарди луѓе, може да се зајакнат и да се натпреварува со своите конкуренти во однос на „познат“ и „препознатлив“.
Наведувајќи дека Анталија привлекува големо внимание со своите туристички инвестиции и промотивни активности што ги спроведува централната власт, Илѓунер рече дека меѓу градовите на листата се нашол и Измир и додаде:
„Иако секој ден се повеќе и повеќе се гледа важноста од вклучувањето на градовите во активностите за промоција на земјата, треба да се очекува дека ваквото разбирање и развој ќе важи и за нашата земја.“
Топ 10 градови утврдени како резултат на истражувањето „City Index 2024“:
Град | Земја | Бодови | |
1 | Лондон | Обединетото Кралство | 90,9 |
2 | Њујорк | САД | 89,8 |
3 | Париз | Франција | 87,8 |
4 | Токио | Јапонија | 86,8 |
5 | Дубаи | ОАЕ | 86 |
6 | Сингапур | Сингапур | 85,4 |
7 | Лос Анџелес | САД | 85 |
8 | Сиднеј | Австралија | 83,7 |
9 | Сан Франциско | САД | 82,9 |
10 | Амстердам | Холандија | 82,1 |
