Çağrı Koşak
13 Ноември 2025•Ажурирај: 14 Ноември 2025
ИСТАНБУЛ (АА) - Агенцијата на Обединетите нации за помош и работа за палестинските бегалци на Блискиот Исток (УНРВА) објави дека повеќе од 282.000 домови во Појасот Газа се уништени или оштетени за време на двегодишниот геноцид од Израел.
Во соопштението на УНРВА, објавено на платформата на социјалните медиуми на американската компанија X, се цитираат податоци од механизмот за хуманитарна помош „Глобален кластер за засолништа“, со кој заеднички управуваат Високиот комесаријат на Обединетите нации за бегалци (УНХЦР) и Меѓународната федерација на Црвениот крст и Црвената полумесечина (IFRC).
Според тоа, објавено е дека повеќе од 282.000 куќи се уништени или оштетени во израелските напади во Газа, а со приближувањето на зимата стотици палестински семејства принудени се да живеат во шатори.
Се истакнува дека палестинските семејства се принудени да живеат „во тесни простории, имајќи проблем со приватноста и ограничен пристап до основни услуги“, додава УНРВА и партнерските организации продолжуваат да им помагаат на раселените семејства.
На 9 октомври американскиот претседател Доналд Трамп објави дека за време на тековните преговори во Египет, Израел и Хамас ја одобриле првата фаза од планот за прекин на огнот во Газа.
Договорот беше потпишан во Египет, каде што се одржаа преговорите, а стапи на сила на 10 октомври со одобрение од израелската Влада.
Според последното соопштение на Министерството за здравство во Газа, 69.185 Палестинци се убиени, а 170.698 се повредени во израелските напади од октомври 2023 година.
