Timo Kirez
07 Септември 2023•Ажурирај: 11 Септември 2023
ЖЕНЕВА (АА) - Претставникот на Европската комисија во Виена, Мартин Селмајр, денес ја критикуваше Австрија за увозот на гас од Русија, пренесува Анадолу.
„О, Боже, 55 отсто од гасот во Австрија и понатаму доаѓа од Русија“, изјави Селмајр на Саемот за уметност во Виена, објави порталот „Клајне цајтунг“.
Тој додаде дека Австрија со увозот на гас ја финансира „војната на Путин и никој не е на виенската Рингштрасе да протестира против неа“. Официјалниот претставник се осврна на најпознатата улица во главниот град на Австрија каде што се наоѓа државниот парламент.
„Ова ме чуди, бидејќи крвавите пари се испраќаат секој ден во Русија со сметката за гас“, додаде германскиот политичар.
Селмајр додаде дека иако ги разбира енергетските проблеми со кои се соочува Австрија, рече дека таа е богата земја и, како и другите, може да помине без руски гас.
Според податоците на Европската Унија од мај 2023 година, 57 отсто од увозот на гас во Австрија биле испораки од Русија. Меѓутоа, како што се наведува во извештајот, земјата „нема јасно дефиниран краткорочен план за целосно одвојување од рускиот гас“.
