Ekipa
06 Април 2025•Ажурирај: 07 Април 2025
РАМАЛА (АА) - Палестинците во окупираниот град Рамала на Западниот Брег вчера излегоа на улиците на протести против геноцидот и воената офанзива на Израел во Појасот Газа, јавува Анадолу.
Веејќи палестински знамиња и извикувајќи слогани за осуда на Израел, демонстрантите го изразија својот гнев поради континуираните израелски напади, кои нанесоа големо уништување и огромни цивилни жртви во Газа.
Меѓу учесниците на протестот беа Мустафа Баргути, генерален секретар на Палестинската национална иницијатива (ПНИ) и Сабри Саидам, заменик генерален секретар на Централниот комитет на движењето Фатах, кои изразија солидарност со жртвите на тековното насилство.
Израел ги продолжи нападите врз Газа на 18 март, со што беше прекршен двомесечниот прекин на огнот.
Над 50.600 Палестинци се убиени во енклавата во воениот напад на Израел кој започна во октомври 2023 година, повеќето од нив жени и деца.
Тензиите се големи и низ окупираниот Западен Брег, каде што според официјалните палестински податоци, убиени се над 944 Палестинци, околу 7.000 се повредени, а приближно 15.800 се уапсени.
Меѓународниот кривичен суд во ноември минатата година издаде налози за апсење на израелскиот премиер Бенјамин Нетанјаху и неговиот поранешен министер за одбрана, Јоав Галант, за воени злосторства и злосторства против човештвото во Газа.
Израел се соочува и со случај за геноцид пред Меѓународниот суд на правдата за неговите постапки во енклавата.
