Претставници на ОН го посетија островот во Бангладеш каде што се сместени араканските муслимани

АНКАРА (АА) - Двајца високи функционери на Високиот комесаријат на Обединетите нации за бегалци (УНХЦР) вчера спроведоа истраги на островот Басан Чар, каде што престојуваат бегалците од Аракан во Бангладеш, јавува Агенција Анадолија (АА).

Замениците високи комесари на УНХЦР, Рауф Мазу и Џилијан Тригс, го посетија островот Басан Чар.

Луис Донован, одговорен за јавни информации на УНХЦР во Бангладеш, во изјавата за АА истакна дека тие понудиле средба со Владата на Бангладеш во врска со идните чекори што треба да се следат за бегалците кои престојуваат на островот Басан Чар.

Еден од бегалците, кој разговараше со претставниците на УНХЦР кои го посетија островот и сакаше да остане анонимен, рече дека имаат проблеми со егзистенцијата, дури и дека риболовот им е забранет и дека се чувствуваат како да се во затвор.

Во соопштението од УНХЦР, по вчерашната посета истакнато е дека припадниците на морнарицата на Бангладеш употребиле палки врз бегалците, вклучително и врз жените и децата, и дека се загрижени за состојбата на повредените бегалци.

Денеска се очекува претставниците на УНХЦР да ги посетат бегалските кампови во Кокс Базар.

Полицијата во Бангладеш приведе 29 лица што се обидоа да избегаат од островот на почетокот на април.

Од друга страна, „Хјуман рајтс воч“ (HRW) ги обвини безбедносните сили на Бангладеш за тортура врз жителите на островот.

Администрацијата на ОН и администрацијата на Дака на 13 март постигнаа договор за делегацијата на ОН да го посети островот. Првата посета на островот беше извршена од делегацијата на ОН на 17 март.

Бангладеш досега испрати приближно 13.000 Араканци во Басан Чар.

- Испраќањето на муслиманите во Басан Чар предизвика реакции -

Испраќањето на муслиманите од камповите во Кокс Базар на Басан Чар, за кој се вели дека има капацитет да смести 100.000 луѓе, наиде на реакција од организациите за човекови права и организациите за помош.

Организациите што се спротивставуваат на планот наведуваат дека островот е подложен на поплави и е на удар на честите урагани во регионот.

Исто така, постојано се искажуваше загриженоста дали муслиманските бегалци од Аракан на островот ќе имаат пристап до услуги како храна, вода, медицинска нега и образование.