Приходите на Старбакс поради бојкот паднаа во првиот квартал од оваа година

ЊУЈОРК (АА) - Приходите на Старбакс, една од компаниите што се соочуваат со протести и кампањи за бојкот поради израелските напади врз Газа, се намалени во периодот јануари-март оваа година, јавува Анадолу.

Американскиот синџир на кафулето Старбакс ги објави билансот на состојба и добивката за првиот квартал од оваа година.

Податоците покажуваат дека приходите на компанијата се намалени за два отсто во периодот јануари-март и паднале на приближно 8,6 милијарди долари. Очекувањата на пазарот биле дека компанијата ќе оствари приход од 9,1 милијарди долари во тој период.

Прометот во продавниците на Старбакс, исто така, забележа пад од шест отсто.

Извршниот директор на Старбакс, Лаксман Нарасимхан, на телеконференција со инвеститорите по објавувањето на заработката на компанијата рече дека нивните перформанси овој квартал биле разочарувачки и не ги исполниле очекувањата.