Пропалестински протести во Њујорк со повик за ослободување на активистите и крај на американската поддршка за Израел
Присутните на протестот, кој се одржа во срцето на Њујорк, носеа палестински знамиња и транспаренти со кои се изразува солидарност со Палестина
Фото: Mostafa Bassim/АА
ЊУЈОРК (АА) - Пропалестински демонстранти се собраа на Менхетен, Њујорк, во Соединетите Американски Држави (САД), на протестен марш барајќи ослободување на палестинскиот активист и дипломец на Универзитетот Колумбија, Махмуд Халил, јавува Анадолу.
Присутните на протестот, кој се одржа во срцето на Њујорк, носеа палестински знамиња и транспаренти со кои се изразува солидарност со Палестина.
Низ улиците одекнуваа извици додека учесниците маршираа за исполнување на нивните барања.
Репресијата на администрацијата на Трамп врз пропалестинските студенти и академската фела се интензивира, меѓу кои се и притворањето на турската докторантка Румејса Озтурк на Универзитетот Тафтс, палестинскиот активист и неодамнешен дипломец на Универзитетот Колумбија, Махмуд Халил, и истражувачот од Универзитетот Џорџтаун, Бадар Кан Сури, на кои им се укинати и визите и зелените карти.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
