Путин: Турција е еден од привилегираните партнери на Русија во надворешната политика и економијата

Рускиот претседател Владимир Путин денес изјави дека Турција останува еден од привилегираните партнери на Москва во надворешната политика и во економската соработка, јавува Анадолу.

На состанокот со турскиот претседател Реџеп Таип Ердоган во главниот град на Киргистан, Бишкек, Путин рече дека економската соработка меѓу двете земји останува на високо ниво благодарение на интересот на Ердоган.

Путин, исто така, нагласи дека Русија и Турција продолжуваат да спроведуваат големи заеднички проекти, вклучувајќи ја и нуклеарната централа Аккују.

„Поставивте цел да ја пуштите во употреба првата единица на централата оваа година. Тоа ќе се случи“, рече Путин.

Средбата се одржа на маргините на самитот на Шангајската организација за соработка (ШОС) во Бишкек, кој ја одбележува 25-годишнината од организацијата и ги собра лидерите на земјите членки и поканетите партнери.