Раселените Палестинци продолжуваат да се враќаат во своите домови во северна Газа

ПОЈАС ГАЗА (АА) - Десетици илјади Палестинци, присилно раселени поради израелските напади, продолжуваат да се враќаат во своите домови во северна Газа, јавува Анадолу.

По прекинот на огнот помеѓу Израел и Хамас, раселените Палестинци се враќаат во северните делови на Газа од јужните и покрај суровите зимски услови.

Многу цивили се враќаат со запрежни коли преку крајбрежниот патен правец Ал-Рашид.

Договорот за прекин на огнот во Газа стапи на сила на 19 јануари, со што беше запрена израелската геноцидна војна во која се убиени речиси 48.200 Палестинци, повеќето жени и деца, која ја остави енклавата во урнатини.

Во ноември Меѓународниот кривичен суд издаде налози за апсење на Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.

Израел се соочува и со случај за геноцид пред Меѓународниот суд на правдата за неговите постапки во Газа.