Расправија во Австрија заврши кобно: Три лица загинаа, 11 се повредени

ВИЕНА (АА) - Во судирот што се случи на концертот во австриската провинција Воралберг, три лица загинаа, а 11 се повредени, јавува Anadolu Agency (AA).

Според австриските медиуми, на концертот кој беше организиран од страна на Клубот на мотоциклисти во градот Нензин, синоќа од непознати причини дојде до расправија меѓу 27-годишен маж и една жена.

Во расправијата се вмешаа пријателите на жената, што подоцна предизвика судир.

Расправијата заврши со интервенција на припадниците на безбедносните сили. Потоа момчето го напушти местото и се врати со оружје со кое почна неконтролирано да пука во луѓето со кои претходно бил во расправија.

Меѓу жртвите се наоѓа и напаѓачот. Повредените се хоспитализирани, а целиот случај е под истрага.