Рејнисфјара, плажата во Исланд со мрачна историја

ВИК (АА) - Плажата Рејнисфјара во Вик, Исланд, е прогласена за најубава во Европа, јавува Анадолу.

Меѓутоа, ова не е плажа на која ќе уживате во сончање и бањање. Оваа туристичка атракција е позната по црниот песок што настанал од излевање на лава во океанот и опкружена е со високи карпи, а силните морски струи предизвикуваат бранови со висина и до 40 метри.

Црниот песок е единствена геолошка формација создадена од вулканска активност пред повеќе илјади години. Црниот песок на плажата настанал од базалтни карпи што се создадени од стврдната лава. Од вулканските ерупции произлегла лава во подрачјето, а песокот настанал кога лавата еродирала со текот на времето.

Фановите на серијата „Игра на троновите“ ќе ја препознаат како една од локациите на снимањето на филмот, а плажата што се наоѓа на јужниот брег на Исланд, всушност, крие мрачна историја. Имено, голем број туристи на оваа плажа ги загубија животите обидувајќи се да направат совршена фотографија.