САД го ставаат настрана ракетното тестирање, бараат преговори со Северна Кореја

АНКАРА (АА) - И покрај новото ракетно тестирање на Северна Кореја, Соединетите Американски Држави (САД) ја потврдија својата намера да преговараат со Пјонгјанг за денуклеаризацијата, пренесува Anadolu Agency (AA).

Зборувајќи за „Фокс њуз“ (Fox News), американскиот државен секретар Мајк Помпео изјави: „Сè уште имаме намера да преговараме за добра резолуција со Северна Кореја за да ги натераме на денуклеаризација“.

Севернокорејскиот лидер лично го надгледуваше тестирањето на како што е објавено „неидентификуван проектил со краток дострел“ во Јапонското Море во текот на викендот.

Пјонгјанг е под строг мораториум од страна на ОН за тестирање на секаков вид нуклеарно оружје од 2006 година.

„Знаевме дека ќе биде долг пат. Знаевме дека нема да биде едноставно. Но ја пружив нашата преговарачка рака на Севернокорејците, од Ханој. Слушнавме од нив. Ја пружам раката за да ги продолжам тие преговори. Сакаме да продолжиме да работиме на мирно решение за да постигнеме денуклеаризација“, изјави Помпео во интервјуто.

Американскиот претседател Доналд Трамп, и лидерот на Северна Кореја, Ким Џонг Ун, по вторпат се сретнаа во Ханој минатиот февруари за да постигнат договор за денуклеаризација, меѓутоа самитот помина без договор.

Пјонгјанг бараше отстранување на Помпео од преговарачкиот тим.