Свлечиште во рудник во Индонезија: Загинаа 5 лица

ЏАКАРТА

Пет лица го загубија животот во свлечиштето кое се случи во рудник за злато во индонезиската покраина Централно Сулавеси, пренесува Агенција Анадолија (АА).

Според веста на ТВ-каналот „Метро ТВ“, свлечиштето настанало во рудникот за злато кој бил управуван на илегален начин во местото Париги Мутонг.

Властите соопштија дека како резултат на операциите за пребарување и спасување, пронајдени се 5 безживотни тела, додека 6 лица се спасени.

Во тек се операциите за пребарување и спасување.

Инаку, во свлечиштето кое се случи на 26 февруари 2019 година во рудникот за злато кој бил управуван на илегален начин во местото Боланг Монгондов во покраината Северно Сулавеси, загинаа 27 лица.