Се урна рудник во Кина: 9 загинати, 10 ранети

АНКАРА

Во североисточниот дел на Кина, во провинцијата Џилин дојде до уривање на рудник. Во несреќата животот го загубија 9 лица, а 10 се повредени, јавува Anadolu Agency (AA).

Според веста објавена во „Чајна дејли“ („China Daily“), претставниците на власта во кинескиот град Чангчун, во соопштението објавено на нивниот официјален профил на „Weibo“ наведуваат дека по потресот дошло до уривање на дел од рудникот, при што животот го загубиле 9 рудари, а 10-мина се повредени.

Претставниците на власта соопштија дека повредените се наоѓаат на лекување во болница, а во тек е истрага за несреќата.