Северна Кореја ќе пушти во употреба нов противавионски систем

СЕУЛ (АА) - Северна Кореја денес потврди дека успешно е тестиран нов противавионски систем, јавува Anadolu Agency (AA).

Пјонгјанг претходно се пожали дека набљудувачки беспилотни летала на Јужна Кореја влегле во неговиот воздушен простор во повеќе наврати минатиот петок.

Тоа тврдење следеше откако јужнокорејските војници отворија оган на границата откако се посомневаа во присуство на беспилотно летало на Северна Кореја.

Севернокорејската новинска агенција „KCNA“ објави дека Ким гo надгледувал „успешното тестирање“ коешто се случило на неодредено место и време, како што вообичаено известуваат официјалните медиуми на Пјонгјанг, иако вчера беше дадена секвенца од неодамнешните настани.

„Одредени недостатоци во противавионскиот систем, откриени минатата година, беа совршено решени со цел да го поминат тестот“, рече Ким според изјавата којашто ја објави „KCNA“.

„Овој оружен систем, чија операбилна способност е темелно потврдена, треба да се пушти во сериско производство со цел негово распоредување во сите делови на земјата, како и во шумите, за целосно да го расипе сонот на непријателот да командува со воздухот“.

Американски стратешки бомбардери направија своето присуство на полуостровот да се почувствува, придружени со околу 30.000 американски трупи стационирани во Јужна Кореја.

Сеул има своја дополнителна флота од воени авиони, делумно насочена кон спротивставување на развојот на нуклеарно оружје од страна на Северна Кореја.