Сингапурците ја поседуваат најпосакуваната патна исправа на светот

АНКАРА (АА) - Сингапур е земја којашто на своите државјани им обезбеди патна исправа со „најголема предност во светот“, пренесува Anadolu Agency (AA).

Интернет-порталот „Pasaport Index“ на своите страници објави листа на којашто сингапурската патна исправа, со 159 поени, претставува „најпосакуван пасош на светот“.

На листата се рангирани 193 земји-членки на Обединетите нации и 6 специјални подрачја, а подредувањето е според можностите што пасошот ги нуди при минувањето на границите, патување без визи или бројот на земји во коишто може да се патува со аеродромски визи.

Во моментов, сингапурската патна исправа нуди можност за патување во 173 земји без виза и со освоени 159 поени се наоѓа на првото место на листата. Според тоа, Сингапур е првата азиска земја што се најде на првото место од оваа листа според можностите што ги нуди патната исправа.

Првите 10 земји на оваа листа се:

1. Сингапур 159

2. Германија 158

3. Шведска и Јужна Кореја 157

4. Данска, Франција, Финска, Италија, Јапонија, Норвешка, Шпанија и Велика Британија 156

5. Австрија, Белгија, Луксембург, Португалија, Швајцарија и Холандија 155

6. Канада, Ирска, Малезија и САД 154

7. Грција, Австралија и Нов Зеланд 153

8. Чешка, Исланд и Малта 152

9. Унгарија 150

10. Летонија, Литванија, Полска, Словачка и Словенија 149

Авганистан е земја рангирана на последното, 94 место, со 22 поена.