ИДЛИБ (АА) - Во Сирија избија судири меѓу силите на режимот на Башар ал Асад и антирежимската вооружена група „Тахрир ал-Шам“ во руралните подрачја на Алепо, јавува Анадолу.

Во судирите, кои започнаа во раните утрински часови, вооружени групи поврзани со „Тахрир ал-Шам“ напаѓаат во правец на западен Алепо. Зазедоа и неколку села.

Антирежимските вооружени групи дојдоа на осум километри од центарот на градот Алепо, а судирите продолжуваат.

Антирежимските вооружени групи денес презедоа контрола над површина од 138 квадратни километри.

Како што продолжува судирот, силите на Асадовиот режим ги гаѓаат цивилните населби со оружје земја-земја.

Цивилите кои бегаат од судирите во регионот наоѓаат засолниште во селата во Идлиб.