Сообраќајна несреќа во Индија: 14 загинати, 18 повредени

АНКАРА

Во индиската сојузна држава Раџастан дојде до сообраќајна несреќа во која учествуваа автобус и камион. Во несреќата животот го загубија 14 лица, а 18 се повредени, јавува Агенција Анадолија (АА).

Според вестите објавени во индиските локални весници, сообраќајната несреќа се случила во подрачјето на местото Биканер.

Според првичните проценки, во несреќата загинале 14 лица, а повредените 18 лица се наоѓаат на лекување во локалните болници.

Премиерот на индиската сојузна држава Раџастан, Ашок Гехлот, на својот профил на социјалната мрежа Твитер објави дека жали поради сообраќајната несреќа, изразувајќи им сочувство на семејствата на загинатите, а на повредените им посака што поскоро заздравување.