Средба Ердоган - Макрон во Будимпешта

БУДИМПЕШТА (АА) - Турскиот претседател Реџеп Таип Ердоган се состана со францускиот претседател Емануел Макрон на маргините на самитот на Европската политичка заедница што се одржува во Будимпешта, известува Анадолу.

На средбата беа оценети билатералните односи меѓу Туркије и Франција, како и регионалните и глобални прашања, соопшти Дирекцијата за комуникации на Кабинетот на турскиот претседател.

За време на средбата Ердоган рекол дека односите меѓу Туркије и Франција се засноваат врз длабоко вкоренето минато и дека продлабочувањето на трговските и економските односи ќе биде од корист за двете земји.

Наведувајќи дека Туркије дејствува со стратешка перспектива за полноправно членство во Европската унија, турскиот претседател Реџеп Таип Ердоган рече дека е неопходна ревитализација на процесот.

Наведувајќи дека Туркије работи со стратешка перспектива за полноправно членство во Европската унија и дека е неопходна ревитализација на процесот, претседателот Ердоган истакна дека се очекува да се исполнат ветувањата поврзани со ажурирање на Царинската унија и либерализација на визниот режим.

Тој подвлече дека во интерес на сите земји е по дипломатски средства да се стави крај на тензиите меѓу Украина и Русија, Израел и Палестина, Израел и Либан и во другите делови на светот врз мировна основа.