Средба Трамп - Ким Џонг Ун на границата меѓу Северна и Јужна Кореја

СЕУЛ (АА) - Американскиот претседател Доналд Трамп ќе се состане со севернокорејскиот лидер Ким Џонг Ун во демилитализираната зона на границата меѓу Северна и Јужна Кореја, јавува Anadolu Agency (AA).

По учеството на Самитот на лидерите на земјите Г-20, Трамп допатува во официјална посета на Јужна Кореја.

Трамп во Сеул се состана со јужнокорејскиот колега Мун Џае Ин, а по состанокот потврди дека во демилитализираната зона на границата меѓу Северна и Јужна Кореја ќе се состане и со Ким Џонг Ун.

„Ќе отпатуваме во демилитаризираната зона и таму ќе се состанам со Ким. Ја разбираме состојбата. Санкциите се на сила и мене не ми се брза“, изјави Трамп.

На прашањето на новинарите која е целта на неговиот и состанокот на Мун Џае Ин со Ким Џонг Ун, Трамп изјави дека ќе се ракува и ќе се поздрави бидејќи не се виделе од Самитот во Виетнам.

Тој, исто така додаде дека тоа ќе биде кратка средба, но и дека ракувањето може да има голема важност.