Судир на камион и автобус во Русија, загинаа 14 лица

КАЗАН (АА) - Најмалку 14 лица загинаа во сообраќајна несреќа на камион и патнички автобус во рускиот регион Татаристан, пренесува Anadolu Agency (AA).

Синоќа, половина час по полноќ по локално време, дошло до директен судир меѓу камион и патнички автобус кој сообраќал на редовната линија Смара - Изхавск.

По силниот судир, автобусот со 28 лица се превртел и се запалил.

Според првичните информации, во несреќата загинале најмалку 14, а повредени се 15 лица.

Меѓу повредените има повеќе лица кои се наоѓаат во животна опасност, а за причините за несреќата покрената е истрага.