Тексас: Во престрелка во Остин, едно лице загина, а тројца се повредени

ОСТИН (АА) – Според соопштението на властите, едно лице загина, а тројца се повредени во престрелка на две локации во центарот на Остин, во државата Тексас, пренесува Anadolu Agency (AA).

Полицијата во Остин преку Фејсбук и Твитер соопшти дека во 2:30 наутро имало одвоени престрелки на две локации и дека има повеќе жртви.

Подоцна беше објавено дека местото на настанот е безбедно.

Рик Рутглед од Службата за итна медицинска помош во Остин, потврди дека една жена загина, а три лица се хоспитализирани. Сè уште не е позната здравствената состојба на повредените. Полицијата, исто така, ги предупреди граѓаните да не излегуваат на улиците. Засега не се достапни подетални информации.