Телата на десетици Палестинци од северните делови на Газа доведени во болниците

ГАЗА (АА) - Телата на голем број Палестинци убиени од страна на израелската војска во северните делови на Појасот Газа се донесени во болниците, известува Анадолу.

Палестинското МВР на владата во Газа објави соопштение во кое потсетува дека Израел во своите брутални напади бомбардира цивили.

Во соопштението се наведува дека телата на голем број Палестинци загинати во нападите на израелската војска во различни делови на северниот Појас Газа се префрлени во Индонезиската болница и во болницата „Кемал Адван“.

Не е даден точниот број на тела кои се префрлени во болниците.

Локалните медиуми информираа дека 63 тела во утринските часови де донесени во Индонезиската болница.

Израел спроведува немилосрдни воздушни и копнени напади на Појасот Газа со неселективно бомбардирање на цивилни населби, станбени објекти, џамии, цркви и болници по неочекуваниот напад од страна на Хамас на 7. октомври.

Оттогаш во овие израелски бомбардирања се убиени повеќе од 12.000 Палестинци, од кои над 5.000 деца и 3.300 жени, а 30.000 лица се ранети.

Во соопштението се наведува дека околу 3.750 луѓе се водат за исчезнати, од кои 1.800 се деца.

Во израелските бомбардирања животот го загубија и 200 медицински лица, 22 припадници на цивилната одбрана и 51 новинар.