Трамп: „Не планирам да се сретнам со Рохани“

АНКАРА (АА) - Претседателот на Соединетите Американски Држави (САД), Доналд Трамп, истакна дека не планира да се сретне со претседателот на Иран, Хасан Рохани, пренесува Anadolu Agency (AA).

„И покрај барањата, немам планови да се сретнам со иранскиот претседател Хасан Рохани. Можеби еден ден во иднина. Сигурен сум дека тој е апсолутно прекрасен човек“, напиша Трамп во објава на Твитер.

Инаку, американскиот државен секретар Мајк Помпео, претходно истакна дека Трамп сакал да се сретне со Рохани во рамките на 73. Генерално собрание на ОН.

„Претседателот Трамп е среќен во секој момент да се сретне со него и е мошне отворен околу ова прашање“, нагласи Помпео на една програма на американскиот тв-канал „Ен-би-си“ (NBC), но тврдеше дека средбата треба да биде побарана од Рохани.