Три лица починаа во хеликоптерска несреќа во близина на американско-мексиканската граница

ВАШИНГТОН (АА) - Три лица, од кои двајца приправници на Националната гарда и агент на американската гранична патрола, ги загубија животите во вчерашната хеликоптерска несреќа што се случи во близина на американско-мексиканската граница, известува Анадолу.

Националната гарда на САД соопшти дека хеликоптер од типот „UH-72 Lakota“ се урнал вчера во попладневните часови за време на воздушни операции во близина на Рио Гранде Сити во Тексас.

Уште еден војник се здоби со повреди. Во тек е истрага во врска со несреќата.

„Имињата на загинатите ќе се објават откако ќе бидат информирани нивните најблиски“, се вели во соопштението.