Турција побара да се најдат сторителите на нападот врз муслиманските гробишта во Германија

Министерството за надворешни работи на Турција побара да се фатат сторителите на нападот врз муслиманските гробишта во Германија и да ја добијат казната што ја заслужуваат, пренесува Агенција Анадолија (АА).

Во писменото соопштение на ова министерство се наведува дека со жалост ја примиле веста за нападот врз муслиманските гробишта во германскиот град Изерлон.

Според соопштението, овој напад извршен ноќта на Новата година е нов показател на болниот антиисламски менталитет што во последен период е во раст во Европа и што ги има како цел дури и муслиманските гробишта.

„Посакуваме да се откријат сторителите на овој напад и да ја добијат казната што ја заслужуваат. Посакуваме да се преземат потребните мерки со цел да не се случуваат вакви настани“, се вели во ова соопштение.