Украина зароби двајца руски војници

АНКАРА

Украина соопшти дека заробила двајца руски војници по воената интервенција на Русија, пренесува Агенција Анадолија (АА).

Според информациите добиени од Украинската амбасада во Анкара, двајца руски војници се заробени заедно со оружјето околу главниот град на земјата, Киев.

На социјалните мрежи споделени се инсерти од заробени војници и запленето оружје.

​​​​​​​Рускиот претседател Владимир Путин утринава соопшти дека започнале специјална воена операција во Донбас, источна Украина.